15. oktober 2002 EM 164/2002
Siunnersuut
uunga
Ukiumut aningaasanut inatsiseqarfiusumut 2003-mut Inatsisartut aningaasaliissutinut inatsisigigallagaat
§ 1. Ukiumut aningaasanut inatsiseqarfiusumut 2003-mut Inatsisartut aningaasanut inatsisaata akuersissutigineqarnissaanut Naalakkersuisut piginnaatinneqarput akileraarutit inatsisitigut tunngavillit akilersinniarnissaannut Namminersornerullutillu Oqartussat isertittagaasa allat isertittarnissaannut. Naalakkersuisut aamma piginnaatinneqarput piffissami tassani Naalakkersuisut, naalakkersuisut ataanni suliffeqarfiit aamma suliffeqarfiit kiisalu iliuutsit allat inatsimmik, aningaasaliissutinut siusinnerusukkut inatsimmik allatigulluunniit aningaasaliissutaasimasunik tunngaveqarluni aallartinneqarsimasut attatiinnarneqarnissaannut ingerlatiinnarneqarnissaannullu aningaasartuutit pisariaqartut aningaasartuutigisinnaanissaannut.
§ 2. Nuna tamakkerlugu akileraarut allanngorani 11 %-imut aalajangersarneqarpoq. Immikkut ittumik nuna tamakkerlugu akileraarut allanngorani 24 %-imut aalajangersarneqarpoq. Kalaallit Nunaanni imaatigut usinik assartuinermi akit assigiissuunissaannut akileraarut allanngorani 9,82 %-imut aalajangersarneqarpoq.
§ 3. Inatsit 1. januar 2003 atuutilerpoq.
Inatsisissatut siunnersuummut nassuiaatit
2003-mut inatsisartut aningaasanut inatsisissaattut siunnersuutip ukioq aningaasanut inatsiseqarfiusoq aallartitsinnagu naammassillugu suliarineqarsinnaanissaa naatsorsuutigineqarsinnaanngilaq. Tamatuma malitsigisaanik Inatsisartut Naalakkersuisullu pillugit Inatsisartut inatsisaanni § 23, imm. 3 naapertorlugu ukiumut aningaasanut inatsiseqarfiusumut tullermut aningaasaliissutinut inatsisaagallartumik saqqummiussoqarpoq.
Siunnersuutikkut siunertarineqarpoq Namminersornerullutik Oqartussat ingerlataasa akornusersorneqaratik ingerlaannarsinnaanissaannut pisariartumik tunngavissiinissaq. Tunngavissaatitaavoq isertitassat isertinneqarsinnaassaasut aningaasartuutillu aningaasartuutigineqarsinnaassasut 2002-mi aningaasaliissutit aallaavigalugit.
Tunngavissaatitaavortaaq Aningaasaqarnermut Naalakkersuisoq 2003-mut aningaasaliissutinut inatsiseqarallarnermi iliuusaasinnaasut pillugit kaajallaasitaliussasoq.